වස්සානේ විභාගය.....

අඩවන් වු කවුළු දොර

විසුළ හිරිපොද කුටියට

හිරිගඩු පිපෙයි සියොලඟ

දැවැටි සීතල සුෂර පොදකට

පඬු පැහැවු කොළ ගොන්නක

පුස් ගදට හැකිලි උවනත

පිබිදි එන හැටි බිඳ බිඳ

දූලි සුවඳට විසිර පැතිරුන

"චිරි චිරි" සරට යොමු වූ සවනින්

සීත මුදු නළ පහස විදිමින්

දෙපා සිට ගත පොරොව ගනිමින්

නිදා ගන්නට හිතෙයි දැන්නම්

අත ළඟට විත් සැරෙන් ඔරවන

විභාගය රුදු මෘග වෙස්  ගෙන

බල කරයි කොල ගොන්නෙ රැදුමට

මo තනන්නට උසස් වීමට

පියවි ලොව වෙත පා නගන්නෙමි

කවුළු දොර ඇද අගුලු ලන්නෙමි

පඬු පැහවු කොල ගොන්න වෙත යමි

හෙට දිනන්නට සීත උහුලමි

හෙට වෙනකම්.....

සීතල රෑ අඳුරු කොනෙක

දුරකථනෙට රහස් කියන

නිම් ඉම් නැති මුනුමුනුවක,

හෙට පලඳන රන් මුදුවෙන්

පැහැබර  වන නව ලොව ගැන...

සේපාලිකා මුදු සුවඳට

ආල හැඟුම් විකසිත වන

නිදි නැති හදවත් අද්දර,

බොර දම් පැහැ සඳවතියත්

ඔච්චම් කර හැoගෙන හැටි....

සේපාලිකා මල් කැකුළියෝ

ගහ යට මියැදෙන්නට පෙර

නිදි දෙව් හා තුරුල් වෙන්න,

අප ලොව හෙට, බෝ දුර මුත්

සිහිනෙන් විත් කොපුල් සිඹිමි  ….

අළුත් දිනකට.....

අළුත් දිනකට දිරිය මුහු කල

මල් පුසුඹ රැඳි සිහිල් මද නල

විඳගන්න බැරි නිමේෂෙක මම

සුළo කෝඩෙට ඔබ මුවින් වට

මහ මෙරක් තරමට විසල්

ආල මැඳුරේ නැත හිඩැස්

තුරුණු විය දඟකාරකම්

ටික කළයි, නැත සදාකල්

ගියත් මිතු හා සවාරී

ඔබත් මා ළඟ කුමාරී

රළු වදන් වැල් දොඩන්නී

නෙත් පුරා විෂ කටු ඇනී

මල් පුසුඹ රැදි සිහිල් මද නල

ලය පුරා විඳගනිමු සිත් ලෙස

බොලඳ හැඟුමට වාල් වී කිම

නිමල පෙමකට නිගා කෙරුමට

වෙසඟන පහස....

මිහි බට සුරඟනකි

රැයටම මොණරු හතරකි

සළුපට මෑත් වුනි

කම් සැප සොයා කිමිදුනි

හීන් කෙදිරිය නැවතුනි

යහන දෙපසක ඇලවුණි

ළහිරු රැස් කඳ නැහැවී

දිටි දසුන් හද කැලඹුනි

වත්සුනු වතෙහි වියැකී

නයන අඳුනද බොද වී

කියුඹුවැල් ඔහෙ විසිරී

යකින්නක සිරි ගත්තී

සුළඟෙ රිද්මෙට..

සුළඟෙ රිද්මෙට

තාල නගමින

මුදු සරින් නළවමින්

නුඹට මිමිණූ මා … අද,

සක්වලත් වෙව්ලන

ගර්ජනා නගනු යැයි

අහිoසක පුoචි හිත

විසිරිලා ගොහින්වද?

රතු වුනත් මා දෙනෙත්

නැත දොසක් හිත යටින්

දොස් දෙවොල් හඬතැලුම්

ආදරේ නිසා මැයි...

සදාකල් නුඹ ලඟින්

රැදෙනූ අවැසී නිසයි...

අනෝතප්ත විල..

පලා ගිරවුන් ...

තනි යහනේ

ඔබේ නෙතු විනිවිදින

දොඩමලුව පොපියන