සුබ උපන් දිනක් - නුඹටම සෙනෙහසින්....

දිවි  මගේ සොදුරුම

වසත් කල ඉම

මගේම වුනු නුඹ

සුන්දරය,

පෙර ලෙස නොව

ඊටත් වැඩිය අද මට….

මකරන්ද හාදු තැවරුනු

සීත වප් මහ සුළඟ

රහස් කොඳුරයි හෙමිහිට

සිහිපත්ව,

දෙව් ලොවින් බට ඒ දින

දූල කැල්මක් විලසින…..

මා දිවිය බබලවන

පහන් සිළුවක් ලෙසට

මටම ලo වී ඉන්න

පතමි මම,

උදක් මේ බවේ නොව

සසර සරණා තුරුම….

පසු සටහනක්ද තබමි...උපන් දිනයක් යනු සැමරිය යුත්තක්ද, නො එසේනම් හුදෙක් සාමාන්ය දිනයක්ද යන්න සමාජයේ විවාදිත කරුණක් වන අතර එය සමරන්නන් විවිධ ක්‍රම භාවිත කරමින් උපන් දිනය සන්කේතවත් කරති. මගේ උපන් දිනය මා හට තවත් එක් දිනයක් වන අතර කිසිදා සමරා නැත. නමුත්  මා පණ සේ ආදරය කරන මගේ පෙම්වතියගේ උපන් දිනය එසේ අමතක කර ඇයට අඩුවක් කිරීමට නොහැකිය..ඉඳින්,,,, මා විසින් ඇයට ලබා දුන් වටිනාම තිළිණය මෙසේ මගේ බ්ලොගයේ පළ කර සිටිමි.......